स्थानिय तह / प्रदेश

बिराटनगर – कोशी प्रदेशको आर्थिक मामिला तथा योजना मन्त्रीमा सङ्खुवासभाका माननीय विदुर लिङ्थेप नियुक्त भएका छन् । आज भएको कोशी प्रदेशको मन्त्रीमन्डल बिस्तारमा लिङ्थेप मन्त्री बनेका हुन् । नेकपा एमालेका सचिब समेत रहेका मुख्यमन्त्री हिक्मत कार्कीले कोशी प्रदेशमा नयाँ मन्त्रीमन्डलमा फेरबहदल गरेसंगै उनि मन्त्री भएका छन् । लिङ्थेप यस अघि एमालेको प्रदेश सभाका प्रमुख सचेतक रहेका थिए । नयाँ मन्त्रीमन्डलमा मुख्यमन्त्री कार्की सहित एघार जना रहेका छन् । मन्त्रीहरुमा प्रदिप सुनुवार–भौतिक, तिलाचन पाठक–खानेपानी, भिम पराजुली–पर्यटन, इन्द्रमणी पराजुली– आन्तरिक, विदुर लिङ्थेप–आर्थिक, रामप्रसाद महतो–सामाजिक, मानबहादुर लिम्बू–स्वास्थ्य, इस्राइल मञ्सुरी–कृषी साथै उमाकान्त गौतम र शोभा पालुङ्वा लिम्बू राज्यमन्त्री रहने छन् ।...

तेह्रथुम — कक्फेवा तङ्नामको अवसरमा तेह्रथुम जिल्लाको मेन्छ्यायेम गाउँपालिका–५, मोराहाङमा खुल्ला महिला तथा पुरुष फुटबल प्रतियोगिता २०८२ आयोजना हुने भएको छ। प्रतियोगिता गौखुरी युवा क्लबको आयोजनामा सञ्चालन हुन लागेको हो। आयोजकका अनुसार प्रतियोगिताअन्तर्गत पुरुष र महिला दुवै तर्फका खेलहरू समावेश गरिनेछ। पुरुष फुटबलतर्फ प्रथम हुने टिमले नगद रु. १,२१,१२१ सहित ट्रफी, मेडल र प्रमाणपत्र प्राप्त गर्नेछ भने दोस्रो हुने टिमले रु. ६१,१६१ सहित ट्रफी, मेडल र प्रमाणपत्र प्राप्त गर्नेछ। साथै विभिन्न विधागत पुरस्कारहरूको पनि व्यवस्था गरिएको आयोजकले जनाएको छ। पुरुष टिमका लागि इन्ट्री शुल्क रु. ५,१०० निर्धारण गरिएको छ। त्यसैगरी महिला फुटबलतर्फ प्रथम पुरस्कार रु. ५१,१५१ र दोस्रो पुरस्कार रु. ३१,१३१ सहित ट्रफी, मेडल र प्रमाणपत्र प्रदान गरिनेछ। महिला फुटबल प्रतियोगितामा सहभागी हुन कुनै इन्ट्री शुल्क लाग्ने छैन...